Nepal ramah tui lian avangin mi 91 an thi tawh a, hmun him zawkah mi sing eng emaw zat sawn chhuah an ni bawk. Nepal PM, Sher Bahadur Deuba-a’n nimin khan tui lenna hmun hi a tlawh a, theihtawp chhuaha chhanchhuah hna thawh a nih tur thu leh, tui lian tuarte chu chhawmdawlna pek an nih tur thu a sawi. Nepal Home Minstry sawi danin, Nepal Army thlawhna 7, mimal thlawhna 6, lawng engemaw zat leh chhanchhuaktu tur, mi 26,700 vel tirh chhuah an ni tawh a ni. Puan tawh angin, Nepal-ah hian Zirtawpni kal ta atang khan fur ruah sur avangin tui hi a lian tan a, phai zawla chenna in 50,000 vel a chim pil a, in 3,000 vel a chhiat bakah, ran 400 chuang a thi a, mi 22,000 vel chu an awmna hmun atangin an insaseng tawh a ni.
Chanchin Thar Nepal-ah tui lian vangin mi 91 thi tawh
