Nepal Prime Minister thar KP Sharma Oli

0
523
views

Nepal ram president Bidhya Devi Bhandari chuan Communist KP Sharma Oli chu Prime Minister thar atan a ruat. President office thupuangtu chuan kum 1970, 80 chhoa lal ban nawrna vanga kum 14 zet lungin lo tang tawh, Oli hi Sher Bahadur Deuba inhnawhdawh rualin Prime Minister atan ruat a ni tih a sawi a, Sher Bahadur Deuba hin inthlan zawhfel takah a chak zo lo a ni. Prime Minister thar Oli hi kum 2015 atanga 2016 chhung khan Prime Minister a lo ni tawh bawk a, Prime Minister kal chhuakta Deuba khan India lam a awn deuh nia a lan laiin tuna Prime Minister thar Oli hi chuan China lam a awn deuh tura ngaih a ni a. Mount Everest thuthmun, Nepal hi India leh China te hian an tanpui nasa thin hle a, Oli hi India leh China nena Nepal ram inlaichinna ti chak leh zuala tura beisei a ni tih Nepali Times Editor Kunda Dixit chuan a sawi.