New Delhi-a neihtur World Cup-a tel tur Pakistan mi silai inkahsiaka tel turte visa pek an nih loh avangin International Olympic Committee-in India chu khawvel huap intihsiakna thleng thei ram nihna a\angin a chawlhtir.

Pulwama-a mifirfiakte pawihkhawihna a thlen hnu khan Pakistan silai kapthiam GM Bashir leh Khalil Ahmed te chu India in visa a pe duh lo a, International Olympic Committee chuan India thil tih dan chu Olympic charter-a tarlan, inthliar hranna awm loa intihsiaknaa tel tur infiammi te inang tlang veka enkawl tur’ tih chu a kalh a ni an ti a, India sorkarin ziaka Olympic charter thuzawm intiamna a pek hma chu Olympic nena inkungkaih intihsiakna India in a buatsaih a khap dawn tih an puang bawk.