New Delhi-a Palam \umhmunah PM Narendra Modi-a’n Pulwama-a thi sipai martar-te hriatrengna hun a kaihruai.

0
331
views

Nizan khan Jammu and Kashmir atangin Pulwama-a thi ruang te hi New Delhi thlenpui an ni a, Home Minister Rajnath Singh pawhin CRPF sipai te ruang hi a lo hmuak ve a, kuang pawh a zawn pui ve a, Modi pawhin ruang chungah pangpar \hi a dah bawk. He hriatrengna hunah hian Defence Minister Nirmala Sitharaman, Information and Broadcasting Minister Rajyavardhan Rathore, Congress President Rahul Gandhi, Delhi Chief Minister Arvind Kejriwal, Army Chief General Bipin Rawat, Air Chief Marshal BS Dhanoa leh Navy Chief Admiral Sunil Lamba te pawh an tel ve a ni.

Nizan vek khan Narendra Modi kaihhruai thoin ram venhimna chungchangah Cabinet Committee neih a ni a, Committee hian party zawng zawng inhmuhkhawm New Delhi-a neih a rel a, Home Minister Rajnath Singh-a kaihhruaina hnuaiah party aiawhte chu mi firfiakte chet dan leh sorkarin hma a lak dan hrilh hriat an ni a, mi firfiakte chu nuaibo an nih theih nan party te chu inlungrual takin an din a \ul thu a sawi bawk a ni.