New Delhi khawchhunga Karol Bagh-a hotel Arpit Palace-ah kangmei a chhuah vangin mi 17 an thi.

0
560
views

Tukin dar 4:35 vel khan Delhi-a Karol Bagh hmun cheplai taka awm Hotel Arpit Palace-ah kangmei a chhuak tih hi report dawn a ni a, kang\helh motor 22-in \helh tuma an beih hnuah dar 7:30 khan kangmei hi \helh mih a ni chauh a, kang\helh mi leh police te’n hotel a\ang hian mi 50 vel an chhan chhuak a, heng zingah hian 35 an damchhuak a, a tam zawk hi an hliam nasa hle a, damdawi ina enkawl tura hruai an ni.

Kang\helh pawl mi pakhat chuan pindan kalpawhna corridor chu thing-a chei a nih avang leh a alh nasat lutuk avangin hotel chhung ami te hian tlangchhuahna’n an hmang thei lo tih a sawi a, kangmei tlansan tumin nu pakhat leh a fa chu tukverh a\anga zuangchhuakin an thih phah a ni.

Kang mei chhuah chhan hi hriat a la ni lo a, thuneitute’n electrict kalsual vang a nih an ring a, police te’n FIR thehlutin hotel enkawltute fimkhur loh vanga kangmei hi a chhuak a nih leh nih loh an chhui nghal a, Fire Department te pawhin kangmei chhuah chhan hriat tumin an chhui chiang dawn bawk.