US New York khawpui-ah pawh nizan khan helicopter pakhat a chesual a, a chuang 6 zinga mi 5 an thi. LaGuardia \umhmun thuneitute chuan helicopter khalhtu-in khawl lam fel lo vangin buaina an tawk tih an dawng tih an sawi a, helicopter neitu, Liberty company chuan, thla la tura an helicopter hi man chawia hawh a ni tih an sawi bawk a, damchhuak awm chhun hi helicopter khalhtu hi a ni an ti bawk. Thuneitute chuan helicopter-a chuangte hi an \hutna-ah nghet taka an in \awn avangin lakchhuah pawh a harsa hle tih an sawi a, an chesual dawn tih an inhriat vanga nghet taka in\awn an nih an rin thu an sawi bawk a ni. New York Fire Department chuan thlawhna chetsual hlim hian chhanchhuah hna an thawk nghal a, thlawhna hi a pil nghal mai bakah, a chuangte harsa taka lakchhuah a ngaih avangin, duh angin an che rang thei lo niin an sawi a, pahnih chu thia puan nghal an nih thu leh, midang pathum chu damdawiina kalpui an nih hnuah an thi tih an sawi bawk a ni.
Chanchin Thar New York-a helicopter chesualah mi 5 an thi
