Mayor Bill de Blasio chuan New York khawpui chu hri leng mek umbo thei tur hian an inpuahchah tih a sawi a, mi maktaduai 8 chuang awmna New York khawpuiah hian mi 5-in he natna hi an thihpui tawh a, chung mite chu kum 53 a\anga kum 82 inkar te niin, Covid-19 an kai hma hian natna dang an nei vek a ni.
Los Angeles-ah pawh bar, restaurant leh vantlang hmun te khar a ni a, Las Vegas-ah chuan casino leh hotel te pawh khar vek a ni bawk.
US ram pumah mi 69-in he hri hi an thihpui tawh a, mi 3,774-in an kai tawh a ni. US health official te chuan an rama coronavirus enfiahna khawl chu a fuh tawk lo tih an sawi a, hemi hmalam hian President Donald Trump chuan Covid-19 vei nia rinhlelhte enfiahna tur US-in hmun hrang hrangah a duang tih a lo sawi tawh a ni. US thuneitute chuan mi 50 aia tam punkhawm an khap a ni.
Hetihlai Covid-19 chhuahna hmun China-ah chuan mi 6 kai thar an awm belh a, chung zinga 4 te chu Spain mi niin, mi 2 te chu UK mi an ni.
China Foreign ministry chuan Wuhan-ah mi 4-in an kai belh tih loh chu kai thar an awm tawh lova, ram dang a\anga Covid-19 lut chu an ram tan a hlauhthawnawm ber tawh tih a tarlang a ni.
South Africa pawhin China, US, UK leh hmun dang a\anga an ram luhna zawng zawng a khar a, France-ah chuan he natna hi a \aidarh chak hle a, ni thum chhungin mi pakhatin mi pahnih a kai hman zel anga chhut a ni a, mi 5,000 chuangin an vei tawh a, mi 127 an thi tawh bawk. Switzerland-ah pawh mi 841 vei thar hmuh belh an ni a, an vaiin mi 2,200-in an vei tawh a, mi 14 an thi tawh a ni. Abu Dhabi-ah chuan Pathianni thleng khan mi 12 kai thar hriat belh a ni a, an vaiin mi 98 kai an awm tawh a ni.
Italian Football Federation chuan Euro 2020 neih hun tur chu Seria A season kal lai a tawp huna sawn turin UEFA a ngen a, coronavirus vangin Seria A hi khelh chhunzawm theih lohin an chawlhsan mek a ni.
Kenya-ah chuan kum 23 mi, Elijah Muthui Kitonyo chu coronavirus chungchangah thu dik lo vawrhdarha puh a nih vangin Police ten an man a, an rama coronavirus kai hmasa ber chungchangah mipuite ti chiai thei zawnga thu vawrhdarhah puh a ni.
