Trump chuan Kim chu nuclear ralthuam tirem tura a inpekna chu khawvel huap pawha thil hlu tak leh chhinchhiah tlak nia a ngaih thu a sawi a, huaisenthlak a tih thu te a sawi bawk a ni. UN General Assembly-ah hian UN Secretart General Anotnio Gutteres pawhin khawvel ti ralmuang tura an beihnain hma a sawn lo nia a hriat thu leh tharum thawh lama ram hrang hrangte dinna hriat a harsat tawh thu in rin tawnna a derthawng sawt hle nia a hria thu te leh democracy-in harsatna a tawk mek nia a hriat thu te a sawi ve bawk a, Trump chuan hemi hun lawk hian America ramin a khua leh tuite sahimna a ngaihtuah vanga a thiltih te vangin inchhirna a neih loh tur thu a sawi ve leh a, a firfiaka chetna thlawptu ram, Iran-in ralthuam hlauhawm tak neih tuma a bei chu dodal zel an tum thu te a sawi bawk a ni. North Korea chungchang pawh Trump hian a sawi chhuak a, Kim Jong-Un a fak rualin tun dinhmunah chuan inhrekna la hlih theih loh a nih thu a sawi bawk a ni.
Trump-a’n UN khawmpuia thu a sawi tirh lamah hian a kaihhruai sorkar chuan an rama sorkar lo awm tawh \hin zawng zawng aiin kum hnih chhungin hlawhtlinna a hmu hnem tawh zawk niin a sawi a, ngaithlatu lam an nuih vangin sawi a hlawh hle.
Trump chuan a thusawi an nuih chu a beisei leh rin loh tak a nih thu leh pawi a tih loh thu a sawi nghal a, minute 34 thu a sawi chhunzawm leh a ni.
