Tualthah thubuai 50 leh tual thah tumna thubuai 39 awrh mek, kum 28 mi Brenton Tarrant hi rilru lama mithiamten rorelna hmachawn turin a rilru a kim leh kim loh an endik dawn a, Zirtawpni zinga video hmanga Auckland lung in a\anga court-a a inlannaah Tarrant-a hian roreltu Judge leh ukil te hmu theiin an thusawi chu a ngaithla thei vek a, engmah sawi loin a ngaithla a ni. Court hmaa a inlan leh hun June 14 hma chu lung in-a la tang turin roreltu judge chuan a ti a ni. Court rorelna hi Christchurch-a a thah tak chhungte engemawzatin an chhim a, heng mite hian pawikhawihtu hi tih hlum em chu duh lo mahse, a phu tawk hremna tuar ngei se an duh thu an sawi hlawm a, a \hen chuan an \hiante 50 thattu hmel an hmuh duh vang leh mi heti zat a thah hnua a awmdan an hmuh duh vanga lo kal an nih thu an sawi a ni. Tarrant-a hian a mi thahah hian mipa, hmeichhia leh naupang a thliar hrang lo a, a thah upa ber hi kum 71 mi a ni a, a naupang ber hi kum 3 mi a ni.
Chanchin Thar New Zealand Christchurch-a pawikhawihtu chu roreltu Judge Cameron Mander-in rorelna a hmachhawn...
