New Zealand Christchurch hmuna mosque pahnih silaia beihnaah mi 49 an thi a, mi 20 vel an hliam bawk.

0
567
views

Silai keng mi pakhat, Australia khua leh tui nihna nei chuan mosque pahnih hi silaiin a kah chilh chiam a ni. Pawikhawihtu hi man a ni a, tualthah thubuai siamsakin court ah hruai a ni ang.

Police Commissioner Mike Bush chuan midang pahnih leh hmeichhe pakhat pawh a bul hnaiah ralthuam nen man an ni tih a sawi a, heng man zinga pakhat hi chu pawi khawihnaah hian a inhnamhnawih lo nia hriat a ni a, a dang pahnihte hi an inhnamhnawih em tih police ten an chhui chiang mek a ni.

Al-Noor Mosqe-ah hian silai kaptu hian video camera kengin, Mosque chhunga awm te a kap lai hi facebook ah live in a ti chhuak nghal a, Police te chuan he video hi thawn darh lo turin mipuite an ngen a, Facebook chuan silai kaptu facebook leh instagram account te chu an khar nghal thu sawiin, video pawh hi an hmuh theih chin chu an delete nghal tih an sawi.

New Zealand Prime Minister Jacinda Ardern chuan an ramin hun thim ber a tawng a ni a ti a, pawikhawihna chu firfiaka chetna dik tak a ni a ti.