New Zealand Mosque-a pawikhawihna live-a en theiha Facebook-a tih chhuah a nih hnuah “Facebook Live” chu khuahkhirh a ni dawn.

0
154
views

Facebook chuan a hmangtute zinga live a thil chhuah thei thliar hran nan “Community Standard” tia an duan chu tehfung a an hman thu leh thil dang hmanga thliar hran dan tur an dap mek thu an sawi a, tharum thawh lam video emaw thlalak emaw rang taka thliar hranga, thehdarh theih loa siam thei hmanrua siamchhuah an tum thu an sawi bawk a ni.

New Zealand-a pawikhawihna thlen hnuah khan Facebook hian pawikhawihtu facebook leh Instagram account te titawpin pawikhawih lai video pawh a paih nghal a, Artificial Intelligence hmangin hemi nena inkungkaihna nei video dangte an paih bawk a ni.

Facebook hian Australia leh New Zealand a mi Lads Society, United Patriots Front, Antipodean Reisitance leh National Front New Zealand te tiamin, hnam dang ngaithei lotu an hmuhchhuahte chu an hrek thu leh anmahni thlawp zawnga thuchhuah te chu an paih zel tur thu an sawi a, mingote chungnung zawka ngaihna white nationalism thlawp zawnga thil post an khap bawk a ni. Facebook hmang tute’n hetiang lam hawi an zawng a nih pawhin a hrilhfinna page-ah hruai luh an ni zel dawn tih an sawi bawk.