NGO Co-Ordination Committee-in Lammuala PM thusawina turah kal lo turin mipuite an ngen

0
482
views

Pawl hrang hrang telna, NGO Co-Ordination Committee-in Lammuala PM thusawina turah kal lo turin mipuite an ngen. Central YMA, MHIP, MUP, MZP leh MSU telna, NGO Co-Ordination Committee hi vawiin khan \hu khawmin, PM chu Mizo mipui tana darkar khat pawh hun nei lo-ah an puh a, Inrinni-a Mizoram a rawn tlawh tur hi lawmawm hle mah se, darkar khat pawh chawl lova, Mizo mipuite aiawha thu thlenna hun pawh awm lova a hun hman dan tur ruahman a ni chu an ngaih thiam loh thu leh, Mizo mipui hmusitnaa ngaih thu, vawiin tlaia an thuchhuahah chuan an sawi a ni. Central YMA, MHIP, MUP, MZP leh MSU chuan, Mizo mipuite tana heti taka hun a neih loh avang hian Lammuala PM programme hman turah Mizo mipuite chu kal lo turin an ngen a, Mizo mipuite tana hun tam zawk a pek theih hunah \ha taka lo lawm zawk ni se an duh thu an sawi bawk.

Puan tawh angin PM, Pu Narendra Modi-a’n lehlanga Inrinnia Mizoram rawn tlawh a tum programme hi duan fel a ni tawh a, Inrinni zing dar 9 velah Lengpui \umhmun a thleng ang a, helicopter-in |huampui a pan nghal ang a, chuta \ang chuan motor-in Lammual a pan ang a, zing dar 9:30-a Lammuala vantlang inkhawm buatsaihah thu sawiin, Tuirial Hydel Project a hawng anga a, hemi hnu hian Aizawl chhuahsanin Meghalaya lam a pan leh dawn a ni.