NH 150-a Tuirini lei siam that tur bialtu MLA, Pu RL Pianmawia’n tlawh

0
406
views

Tuivawl Bialtu MLA, Pu RL Pianmawia chuan vawiin khan National Highway 150-a Tuirini Lei, siamthat tura PWD-in a thiah mek chu a tlawh. Bialtu MLA chuan he lei dawh that hna hi tha taka thawka a hun taka zo turin hnathawktute a ngen a ni. Tuirini-a thir lei, bailey bridge hi kawng siamtu BRTF-in kum 1973-a a dawh a ni a, a that tawh loh avang leh motor lian ritphur tan zawh ngam a nih tawh loh avangin Chalfilh Group YMA leh Tuivawl bial mipuite chuan siam tha turin sorkar an lo ngen tawh thin a ni. He lei hi Ton 35 dawlzo turin, Rs.3,90,69,000/- senga dawh that tum a ni a, kumin February thla chhunga zawh hman tum a ni.