NH 44A zauh leh siam that hna chhunzawm zel

0
405
views

Mizoram khawthlang lam panna kawng National Highway 44A laihzauh, siamthat leh blacktop hna pawh tunlai hian Contractor, Gyatri Project Ltd. chuan an thawk chhunzawm zel a, tunlai hian hmun thumah inbunin Tuidum thlang lamah te, Mamit khaw thlen hma tlang dungah te leh Tut lui kam atanga Dampui khaw hnuaia kawng thar laih hna te an thawk a. hemi bakah hian Mamit thlen hma atanga Mamit khaw hela Darlak panna kawng thar siam hna pawh thawh mek a ni a, he kawng hi km 5 vela thui laih zawh tawh a ni. Hetihlai hian hmun hrang hrangah double lane tling tura he kawng laihzauh hna hi thawh mek a ni bawk a, kawng laih zawh tawhna hmun engemawzatah blacktop hna pawh thawh tan a ni. He kawng zawmpui tur, Lengpui tumhmun lama kal lova, Tlawng lui kama Lengte peng atanga Dialdawk luia chhuak tur kawng thar pawh Contractor, Ratna Infrastructure Project Ltd. chuan cheng vaibelchhe 41 sengin tunlai hian an lai mek a, he kawng thui zawng hi km 5 vel a ni a, siam zawh hun chuan Mamit panna kawng a tih tawi bakah Lengpui thlen hma, Aizawl lama Pukpui khama lung tlakna thin leh lung tlain kawng chhuat a den balna lai chu a hel theih tawh dawn a ni.