Ni 41 chhung sikul khar tawh Mizoram Govt. Lumpsum Added Higher Secondary School Association-in an thilphut nawr nana Sorkar Pisa leh zirna in an khar chu naktuk atangin an titawp dawn.

0
236
views

Karleh thawh\an a\angin sikul an kai chhunzawm dawn tih an puang. Dinhmun sang zawka hlankai nawr nana lungawi lohna lantirtu khaw 9-a zirlai pawl intelkhawm Joint Students Union, Mizoram Govt. Lumpsum Added Higher Secondary School Association leh heng sikul enkawltu Board member-ten vawiin khan Aizawl Press Club-a an kalzel dan tur an rel hova, hemi hnu hian thuthar lakhawmtute kawmin, an pawl General Secretary, Pu R. Lalfakawma chuan Lumpsum Added Higher Secondary School awmna khaw 9-a sorkar pisa leh zirna in an khar chu naktuk a\angin an titawp dawn tih a puang a ni. Zawhna chhangin Mizoram Govt. Lumpsum Added Higher Secondary School Association hruaitute chuan, sorkar pisa leh zirna in dan an tihtawp chhan chu an thilphut tihlawhtling tura nawr nana hma an lak danah ko thlak an duh vang mai niin an sawi a. An thilphut chu a hma aia chak zawka nawr chhunzawm zel an tum thu leh hun remchang hmasa berah Aizawla kawng zawh an tum thu an sawi.

Lumpsum School hotute chuan an thil phut nawr nan hian June ni 18 a\ang khan sikul an khar tawh nia sawiin, ni 41 chhung zet sikul an khar hnuah July ni 29 khan Home Minister hovin an thilphut chu Sorkar hotuten an ngaihtuah chauh a, hetah hian pawisa awm lo chhuanlamin an thilphut chu tihhlawhtlin theih a nih loh thu hrilh an ni zui nia sawiin, an fanaute emaw an VIP tak takte emaw tawrhna chu ni se hetianga rei hi ngaihthah an ni kher ang em tih chu an zawhna a nih thu an sawi.