Nigeria-a Kaduna khuaa building pakhat a\angin mi 500 vel nghaisak leh mipat hmeichhiatna kawnga dik lo taka khawih tawkte chhanchhuah an ni a, an zingah mipa naupang engemawzat an tel.

0
358
views

Mipa naupangte hi an ke-ah thirkhaidiat-a thlun an ni a, Islamic school a\anga an man khawm nia hriat a ni.

Kaduna Police hotu, Ali Janga sawi danin heta inhnamhnawih mi 8 te chu man an ni tawh a, an zinga a tam zawk chu zirtirtu an ni. An mi chhanchhuahte hian hliam an tuar nual a, eitur an hmu mumal lo bawk a ni.

Heng an mi hrente hian mipat hmeichhiatna hman luih tir \hin an nih thu te, eitur an pek mumal loh thu te leh an tlanchhuah loh nan an ven tlat thu te an sawi a, Bell Hamza chuan thla thum chhung a ke-a thirkhaidiat-a an thlun tlat thu sawiin, an dahna hmun chu Islamic center a nih a rin thu te a sawi a, tlan chhuah tumte chu phuarhlawmin ceiling-ah an khai \hin niin a sawi bawk.

Naupang chhungte hnenah hian he hmun hi Koranic School angin anmahni mantute chuan an sawi a ni.