Nikum-a New Zealand a Christchurch khawpui mosque a mi 51 kaphlum tu Brenton Tarrant, kum-29 chuan pawikhawihtu a ni ngei tih a puang a, a hma in pawikhawihtu a puhna hi a lo pha tawh a, June thla a trial nei leh tura tih a lo ni tawh a ni.

0
40
views

Nikum March ni 15 a silai hmanga mosque pahnih a beihna khan khawvel a barakhaih hle a, New Zealand pawhin silai hman chungchanga an dan an tih khauh phah bawk a ni. New Zealand hi Coronavirus leng mek avangin an inkharkhip mek a, mi tlem te in court hearing hi Christchurch High Court ah Ningani ah an nei a ni.

Vantlang mipui tel ve phal an ni lo a, pawikhawihtu Tarrant, New South Wales, Australia a awm mek leh a lawyer te chu video in an in lan a ni.
Tarrant an Mosque pahnih a, a kahhlum tak te leh an chhungte aiawhtu chu hearing neihna a, a tel ve phalsak a ni.

Judge Justice Cameron Mander chuan Tarrant-a’n a kahhlum tak te leh hliam tuartu te leh an chhungten COVID-19 khuahkhirhna avanga courtroom an kal thei lo chu pawi a tih thu a sawi. Court kalphung pangai a kal leh theih hma chu pawikhawihtu hrem dan tur puan an la tum rih lo tih a sawi.