Nikum-a US leh North Korea te summit hmasa zawka North Korea-in \hiah a lo tiam tawh missile kahchhuahna hmun chu tunhnaiah North Korea hian a thawm \ha leh mek niin South Korea National Intelligence Service-te’n an sawi a, satellite hmanga an endiknaah chuan Feb ni 16 a\anga March ni 2 chhung khan sak \hat a nih thu leh North Korea hian a rang lamin he hmun hi sak \hat leh a tum nia an hriat thu an sawi bawk a ni.

An summit hmasa zawkah khan North Korea ram hruaitu lu Ki Jong-un chuan missile kahchhuahna hmunpui hi \hiah a intiam thu tih Trump chuan a lo puang tawh a, tuna sak\hat leh mek a nih chungchangah hian US State Department chuan NIS te thil hriat chu thudik a ni na in, thil hlauhthawn tur a awm loh thu leh missile kahchhuah leh tumna a ni lo niin an sawi a ni.

September thlaa South Korea President Moon Jae-in nena summit an neihah Kim Jong-un hian Sohae hi khar a, ram pawm mi thiamte endikna hnuaia \hiat turin thu a lo tiam tawh bawk a, July thla a\ang khan an \hiat a, amaherawhchu August thla tir khan an chawlhsan leh rih a ni.