Nikum April thla a\anga kumin March thla thleng khan Mizoram pumah thisen unit 27,274 pek a ni.

0
641
views

Thisen pek zinga unit 23,629 chu pek bik nei lova a thlawna pek a ni a, hei hi za zela 86.63 a ni a, hei hi kum hmasa 2017-18 a a thlawn thisen pek aiin zaa 3.27-in a sang zawk a ni. Kum kalta chhungaa thlawna thisen pek tamna ber chu Serchhip District Hospital a ni a, thisen pek zawng zawng unit 1,085 zinga unit 1,055 chu a thlawna pek a ni a, hei hi thisen pek zawng zawng a\anga zaa 97.23 a tling phak a, pahnihna Champhai District Hospital-ah chuan thisen pek zawng zawng unit 1,335 zinga unit 1,258 chu a thlawna pek niin, zaa 94.23 a tling a ni. Lawngtlai District Hospital chu a thlawna thisen pek hniamna ber a ni thung a, thisen pek zawng zawng unit 1,290 zinga unit 901 chu a thlawna pek a ni a, hei hi zaa 69.84 a ni. A thlawna pek hniam lama pahnihna Lunglei Civil Hospital-ah chuan zaa 73.19 a ni.

Mizorama model blood bank awm chhun Aizawl Civil Hospital blood bank-in thisen a dawng tam ber a, unit 14,027 dawngin, chung zinga unit 12,471 chu a thlawna pek a ni a, blood donation camp \um 156 neiin, chung a\ang chuan thisen unit 9,296 an hmu a ni. Thisen dawng tam ber dawttu chu Synod Hospital blood bank chuan, unit 3,099 an dawng a, chu’ng zinga unit 2,680 chu a thlawna pek a ni a, donation camp vawi 76 an neihah thisen unit 2,352 an hmu a. Lunglei Civil Hospital-in thisen unit 2,317 a hmu a, a thlawna an dawn chu unit 1,696 a ni a, donation camp \um 36 an nei a, heta \ang hian thisen unit 1,409 an dawng a ni.

Thisen pekin hma a sawn theihna tura hmalatu pawl, Association for Voluntary Blood Donation (AVBD) chuan kum 2018-19 chhunga voluntary blood donation target an siam chu zaa 90 a ni a, mahse, target an siam hi zaa 3.46-in an phâk lo a ni. AVBD hruaitute chuan, mi nunna chhanna tura phal taka thisen hlu tak petu zawng zawng chungah lawmthu an sawi a ni.