Nikum January thla-a Jammu and Kashmir Kathu-a naupang pawngsual leh thattua puh mi paruk te thiam loh chantir an ni.

0
385
views

Ram pumin a dem rawn kha pawikhawihnaah khan hmeichhe naupang kum 8 mi chu pawngsual a nih hnuah thah a ni a, thiam loh chantir te zingah hian sorkar officer pakhat Sanji Ram pawh a tel a, midang panga nen Pathankot special fast tract court chuan thiam loh a chantir a, an vai hian damchhung lungin tantir emaw, thi tur emawa an chungthu rel theih a ni dawn a ni.

Hmeichhe naupang an thah tak hi Muslim a ni a, January ni 10 ah ruk bo a ni a, Kathua Temple pakhatah hrengin damdawia an hrai bakah chaw ngheiin an dah a, \um tam tak an pawngsual hnuah rekhlumin lungtumin a lu-ah an chhu bawk a ni. Hmeichhe naupang ruang hi a hnu January ni 17 ah ramhnuaiah hmuh a ni. He thil thleng rapthlak tak hian rampum a nghawr chhuak nghal a, Supreme Court chuan thubuai hi Jammu and Kashmir pawna ngaihtuah turin a sawn a ni.