Nimin chawhnu dar 2 vela ruahsur ruala rial tla khan Lunglei khawpui leh a chhehvelah mihring chenna in tam tak a tichhia.

0
386
views

Lungleia Disaster Management and Rehabilitation Department District Organiser hnen a\anga thu dawn danin vawiin chawhnu thleng khan VC 20 a\angin in chhia 1,420 an awm tih dawn a ni a, khaw hrang a\angin in chhe report dawn belh zel a ni a, tunah hian luah theih loh khawpa in chhia leh la luah theih te thliar hran mek a ni a, rialin in a denchhiat nasat zualna te chu Lunglei khawpui huam chhunga chhim lam vengte, Zobawk leh a chhehvel khuate leh Lunglei District khawthlang lama khuate a ni. Rial tla hi a nasat bakah a lian a, artui tiat leh aia lian te pawh tam tak a tla a ni. He vanduaina thleng chungchang hi vawiin khan Lunglei District High Power Committee Vice Chairman, Pu Lawmawma Tochhawng, MLA 2, Dr. Vanlal\anpuia leh Dr. K. Pachhunga te nen sawiho a ni a, tuna Lungleia Silpouline awm zat a tlem avangin Aizawl a\angin chah belh mek a ni a, a hmasain chenna in chhiate thawm \hat dan zawn phawt a ni anga, report kimchang hmuh hunah leh a chhiat dan kimchang hriat theih a nih hunah sorkar lam a\anga \anpuina awm theite ngaihtuah zui a ni ang.