Nimina Council of Ministers \hukhawmin Sinlung Hills Council-ah inthlanna neih thuai anih theih nan The Mizoram (Election to Sinlung Hills Council) Rules, 2019 an pawm.

Hei bakah hian Guwahati-a Mizoram House chuan mipui a dawl zo tawh lo deuh nia a lan avangin building sak belh emaw, ram lei belh emaw rawtna chu a thuphungin an pawm a, Department hrang hrang hna chanpual tihdanglamna tur Government of Mizoram (Allocation of Business) Rules, 2019 te, The Mizoram Clinical Establishments (Registration & Regulation) (Amendment) Rules, 2019 leh The Mizoram Drug Treatment cum Rehabilitation Centre (TRCs) Accreditation Rules 2019 te pawm a ni bawk a, Mizoram Youth Commission hnathawh danah inkaihhruaina felfai a awm theih nan Draft Mizoram Youth Commission Rules, 2019 leh ram lei leh hralh chungchang awlsam zawka kalpui a nih theihna tur The Mizoram (Land Revenue) (Amendment) Bill, 2019 te pawm a ni bawk.