Nimina Lok Sabha inthlanah vote zaa 63.02 a tla a, Aizawl West I bial Bye Election-ah vote zaa 70.40 a tla thung.

0
284
views

Chief Electoral Officer Pisa a\anga Zonet thudawn danin, Mizoram hmun hrang hranga vote thlaknaa duty, polling official-te chuan vawiin khan an awmna District Headquarters \heuh an thleng kim tawh a, vote thlakna khawl, EVM pawh pindan awmkhauh, Strong Room-ah dah luh kim a ni tawh a, Polling Official zinga thleng tlai ber Lunglei District-a Bandiasora Polling Station-a duty-te chuan vawiin chawhnu dar 3 vel khan Lunglei an thleng a, hemi hnu hian EVM pawh Stong Room-ah dah luh nghal a ni.

Zawhna chhangin Election Department hotute chuan, Kanhmuna Bru-te tana Vote thlakna tur a bika siam, Special Polling Station-a vote tla te pawh an awmna District thlen kimpui a ni tawh a, Lunglei District-a vote tlate chu vawiin khan Helicopter hmangin Lunglei thlenpui a ni.

May ni 23-a vote chhiar a nih hma chu heng Strong Room hrang hrang hi uluk taka ven a ni dawn a. Lok Sabha inthlan bika vote tlate chu District hrang hranga Counting Hall 24-ah a ruala chhiar tur niin, May ni 23 zing dar 8 a\anga chhiar \an a ni dawn a. Aizawl District bikah chuan vote hi Mualpuia R. Deng\huama Indoor Statdium leh Treasury Square-a Assembly Annex Building-a Counting Hall 8-ah chhiar a ni ang. Mamit-ah chuan Counting Hall 2-ah, Kolasib-ah chuan Counting Hall 1-ah, Champhaiah chuan Counting Hall 3, Serchhip-ah Counting Hall 2, Lungleiah Counting Hall 4, Lawngtlaiah Counting Hall 3 leh Siaha-ah Counting Hall 1-ahte vote hi chhiar a ni dawn bawk.

Aizawl West I bial Bye Election-a vote tlate chu Govt. Aizawl College-ah chhiar a ni ang.