Nimina nasa taka ruah a sur hnuah tukin khan Pune-a chenna in pakhat chu a bang \henkhat a chim a, mi 15 an thi a, mi 3 an hliam.

0
94
views

Police te chuan bang chim hian lirthei tam tak a hnawl bakah a bul lawka hnathawktute chen lailawkna tura sak rangva in a chim hnan tih an sawi. National Disaster Response Force leh Fire Deptt. ten chhanchhuah hna thawk nghalin mihring tang an awm leh awm loh an enfiah nghal a ni. Fire Brigade hotute chuan hliam tuarte hi damdawi in hnai berah hruai an ni a, heng mite hi Bihar leh Uttar Pradesh mite an ni tih an sawi.

Maharashtra Chief Minister Devendra Fadnavis chuan thi chhungte a tawrhpui thu sawiin hliam tuar te pawh dam leh vat turin duhsakna a hlan a, Pune Collector chu vanduaina thlen dan chhui chiang tur leh thil awmdan uluk taka vil zui turin a hriattir a ni.

Police hotu K Venkatesham sawi danin an mi leh saten he in chim chhan hi an chhui chiang mek a, a mawhphurtute chu hrem a ni ngei dawn tih a sawi.