Chapchar kut hmang tura inbuatsaih chhoh mek dan hi Chief Secretary Pu Lalnunmawia Chuaungo hovin vawiin khan thlirho a ni a, mawhphurhna nei Department hrang hrangte chu an tihtur theuh phur tak leh felfai taka hlen \heuh turin Chief Secretary hian a chah a, Kut thupuiah ‘Zonun zemawi chawisan’ tih hman a ni dawn a, ni hnih chhung hi sipai lammualah uar taka hman a ni ang a, kut pual hian Vanapa Hall ah lemziak pho chhuahna Art Exhibition neih a ni ang a, Aijal Club park ah pangpar pho chhuahna Flower Show buatsaih a nih dawn bakah, mizo puan tah leh puan a\anga thil siam dang pho chhuahna handloom Exhibition chu Lammual-ah neih a ni dawn bawk.
ASEAN ram pariat aiawh Ambassador te bakah hian Myanmar atangin Mizzima Media mi 5 te pawhin Kut hi an rawn chhim dawn a, Kut hmanna lammuala kal tur hian lirthei dahna a tawt dawn avangin Organising Committee in lirthei dah thei tura a ruahman te tih loh chu Gate pui a\anga kea lut turin organising committee hian an ngen a, Kut tur zawng zawngte chu Mizo thuam inbel turin an ngen bawk a ni
