Bandh hi Sadou Asom Bengali Yuba Chatra Federation leh Bengali pawl hrang hrang huaihawt a ni a, Tinsukia leh Dibrugarh district-ah te chuan zirtawpni lamah khan bandh huaihawt a lo nih tawh avangin vawiin lamah chuan bandh a awm ve lo thung a, bandh hian Bengali mi tamna Barak Valley-ah chuan khawsakphung a tibuai nual a, Cachar leh Karimganj velah chuan sumdawnna hmun leh pisa-te khar a nih bakah, lirthei veivak pawh a awm lo a ni. Brahmaputra Valley lamah pawh Bengali mi te himna phutin mi \hahnem tak an pungkhawm a, Gauhati leh Silchar pan tur rel dan an tum vangin thuneitute nen pawh an innek buai hman a, hmun dangah pawh police-te’n buaina siam tum mi eng emaw zat an man a ni.
