Ningania Lok Sabha inthlanpui vote chhiar turin ruahmanna hrang hrang peihfel thawkhat a ni.

0
470
views

Vote chhiar dan tur leh a kaihhnawih thil pawimawh hrang hrangte vawiin khan he inthlannaa Returning Officer, Pu Vanlalngaihsaka’n thuthar lakhawmtute a hrilhfiah a, tun \uma inthlanna neih zawh takah khan kum danga la tih ngai loh Servcie Voter-ten vote an thlak vek theih nan ECI-in ruahmanna thar a siam a, chu chu Electronic Transmitted Postal Ballot System (ETPBS) tih a ni a, hemi hmang hian state pawna awm vote neiten vote an thlak a. Nikuma State Assembly inthlanpui neih zawh takah kha chuan Counting Hall-a vote chhiar a nih laiin ETPBS hmanga vote tlate chu RO-ten an chhiar ve mai a, tuna Lok Sabha inthlannaah erawh Mizoram puma vote tlate chu RO-in a chhiar vek a ngaih avangin Vote chhiar hun chhung hi a rei phah dawn a, hei hi mipuiten hrethiam se an duh tih a sawi. Pu Vanlalngaihsaka chuan, tun hma chuan Service voter-te chu Postal Ballot hmanga vote thlak tir \hin an nih thu leh, hei hi a rei deuh avangin a hun taka lo let a tam loh \hin thu a sawi a, hemi pumpelh nan hian ECI chuan ruahmanna thar siamin, Service voter-te chu Postal Ballot hmanga an vote thlakna tur thawn lovin Internet hmanga Download theih tura chhawp chhuah sak an ni a, hei hi a awlsam avangin tun \uma Lok Sabha inthlanna neih zawh takah pawh khan Vote a tlak \hat phah hle a ni, a ti a. Hetihrual han vote chhiar hun chhung chu a rei phah dawn a, hei hi vote chhiar niah mipuiten an hriatthiam loh palh an hlau hle tih sawiin, service vote chu RO dawhkana a hrana chhiar a nih dawn avangin a rei palh thei tih mipuiin hria se a duh thu a sawi.

ETPBS chungchang sawifiahtu Aizawl SDO Sadar, Pu Laltlawmlova sawi danin, Lok Sabha inthlannaah hian Mizoram pumah service voter 4,687 awmin vawiin thleng khan mi 3,119-te vote dawn a ni tawh a. Aizawl West I bial Bye Election-ah pawh vote nei mi 125 zinga mi 39-te vote dawn a ni tawh a. ETPBS hmanga vote tlate hi vote chhiar ni zing dar 8 rik hma thleng dawn theih a nih avangin a pun belh zel beisei a ni. Pu Laltlawmlova chuan, ETPBS hmanga vote tlate chu RO dawhkana pawngpaw chhiar nghal ngawt theih a ni lo tih sawiin, vote chhiar niah heng vote tlate hi Pre Counting Team 40-in an endik hmasa phawt ang a, vote thi leh nung an thlair hran vek hnuah RO Room-a amah puitu ARO 5 nen an chhiar dawn chauh a, ECI ruahman dan chuan vote 1 zel hi minute 1 chhunga chhiar zawh hman tura tih a ni a, hei hi an thei chiah lo a nih pawhin minute 3 chhunga pahnih zel chhiar hman tum a ni dawn a. Hetiang a nih avang hian vawiin thlenga vote dawn tawh 3,000 vel chhiar chhung pawh darkar engemawzat ngai a nih avangin an chhiar rei deuh a nih pawhin mipuiten lo hrethiam se an duh tih a sawi.

Joint CEO Pu H. Lianzela pawhin tun hma chuan service voter-te chu dak hmanga an vote thlakna thawn \hin an ni tih sawiin, hei hi a rei bakah a lo let leh lam a muan bakah awm hmun sawn an lo awm \hin avangin ECI-in ruahmanna thar siamin, ETPBS hi a duang tih a sawi a. Tun \uma Lok sabha inthlanna neih zawh takah khan a hlawhtlinna hmuh nghal niin, Mizoram bikah chuan tun hma Lok Sabha inthlanna lo neih tawha Service vote awm a\anga zaa 25 vel vote tla \hin chu tunah hian zaa 60 a chuang tawh a, vote hi la dawn bleh zel anih avangin hei aia sang pawh a la ni thei tih a sawi.

Lok Sabha leh Aizawl West I bye elction-a vote tlate chu ningani zing dar 8 a\angin chhiar \an a ni dawn a ni.