Nizan dar 8:30 vel khan Assam Tinsukia District-a Dhola lei bulah hel nia hriat silai kengte’n mi 5 an kaphlum a, thil thleng vang hian vawiin khan khaw en chhung bandh huaihawt a ni a, political party hrang hrangin an lungawilohna lantir tumin kawng an zawh bawk a ni.

0
372
views

 

Police-te chuan pawikhawihtute hi ULFA hel pawl niin an hria a, pawikhawihtute hian an mi 6 anmahni chenna in a\anga an hruai chhuah hnuah din tlar tirin hnai tak a\angin an kap a, 5 chu a hmunah hian an thi nghal a, pakhat damdawiinah enkawl mek a ni a, a dinhmun a ngaihtuahawm hle a ni. State CM Sarbananda Sonowal chuan inkahna thleng hi na takin a dem a, Power Minister Topon Gogoi leh Water Resource Minister Keshav Mahanta-te a hmuna kal turin a ti nghal bawk a, thil thleng chu an palzam loh tur thu leh pawikhawihtute chu na taka hrem ngei an nih tur thu a sawi bawk a ni.

ULFA lam chuan vawiin khan he thil thlengah hian inhnamhnawihna an nei lo niin an sawi ve thung a ni.