Lawngtlai Bethel vengah chuan chenna in panga thliin a ti chhia a, Lawngtlai Dinthar Council Venga Pu Lalrinchhana in chung thenkhat thliin a la bawk a, Bethel Venga in chhiate hi VC leh YLA ten hnatlangin an siamsak nghal a, Lawngtlai Council Veng Dinthar-a Pu Lalrinchhana te in chung siam\hatna tur hian Lawngtlai East bialtu MLA Pu H.Biakzauva chuan rangva bundle hnih a leisak a ni. Lawngtlai khawpui chhungah hian electric ban tlu leh thingzar tla hmun thenkhat ah a awm a, vawiin khan thenfai nghal a ni.
Heng bakah hian Nizan thli tleh avang khan Lawngtlai District a Saizawh East khua a chenna in 3 chu thli hian a nuai chhe bawk a, Tialdawngilung khuaah pawh in chhia a awm nual a ni.
