NLUP hnuaia vawk note sem thi nia sawi enfiah mek

0
367
views

Mamit District-a Serhmun khuaah leh Siaha District-a Saikao khuaah NLUP hnuaia tun hnaia vawk note sem kaw tha lo vangin an thi nia sawi chu a hmunah kalin Department Officer ten an enfiah mek. ZONET zawhna chhangin AH&Vety Deptt.-a NLUP Nodal Officer, Dr. Vanlalenga chuan he thuthang awm hi an Deptt. Director, Dr. Saingura Sailo hovin nimin khan sawiho a ni a, Siaha District-a Saikao khuaa vawk note thi leh damlo awm nia sawi enfiah turin Rapid Response Team Lunglei atangin tirh a ni tawh a, Mamit District-a Serhmun khuaa vawk note thi leh damlo awm nia sawi pawh Mamit DVO, Dr. Lalmakzuala hovin enfiah mek a ni a, heng mite hian vawk note thih chhan hre turin a thisen leh a sa sample te an la ang a, a la damte pawh enkawl zui dan tur a dawngtute an hrilh dawn a ni. Puan tawh angin Prism chuan Serhmunah leh Saikao-ah NLUP hnuaia vawk note sem thahnem tak kaw tha lo vangin an damlova, a then an thi niin an sawi a ni.