Kar kal ta Thawhtanni a\anga Aizawl Traffic Police leh Transport Department Enforcement Staff-ten ngaihhna thiamna tel loa lirthei enfiahna ‘ No Tolerance Drive ‘ an neih-ah Inrinni kal ta thleng khan lirthei chi hrang hrang 640 an man tawh a, Aizawl hmun hrang hrang-ah No Tolerance Drive hi chhunzawm zel a ni. An motor man tawh, 640 zinga 328 hian dan an bawhchhiat avangin Rs. 3,14,000 an chawi a. A bak 312 chu a rang thei ang bera an documet lam tura hriattir an ni. Traffic Police-te hian Aizawl khawpui chhung hmun hrang hrangah No Tolerance Drive hi chhunzawm zel an tum bawk. Kumin January a\anga November thla thleng khan dan bawhchhiaa lirthei khalh 12,043 an man tawh a, heng zinga 7,367 chu Two Wheeler a ni a, Light Motor Vehicle 2,421 an man bawk. Octrober thla khan lirthei chi hrang hrang 2,094 an man a, thla khat chhunga an man tam ber \um a ni a. November thla thlenga lirthei chi hrang hrang 12,043 an mante hian Rs. 40,20,700 an chawi tawh a ni.
