Kum danga No Vehicle Zone chhung kawng sira thil zawrh khap \hin chu kuminah hian khap a ni lo a, kawngpui dunga inzuar \hahnem tak an awm. Hemi chungchang Zonet zawhna chhangin, Traffic hotute chuan, kawngpui dunga inzawrh hi Dawrpui Local Council hruaituten an ngen anga remtih a nih thu leh hei hi kawnga kal mipui tan hnawk deuh mah se, harsatna a thlen lutuk lo nia an hriat thu an sawi a. Kawng dunga inzawrh phal a nih avang hian Bazar chhung tawt lutuk tur pawh a ziaawm deuh nia an hriat thu te, Bazar chhunga lut kher lova, kawng dunga thil lei ta mai mi tam tak an awm thute sawiin, a bikin No Vehicle Zone hi naupang leh kum upa lam, ni danga Bazar-a kal ngai vak lo pawhin an chhawr hle niin an sawi. Traffic hotute chuan, tlai dar 4-a No Vehicle Zone tihtawp a nih hmain Chanmari leh Zodin Square chhehvela lirthei huntirte chuan tlai dar 4 hmain an lirthei senghawi hman se an duh thu an sawi a. Bazar-a kal turte hi nidanga lirthei hun phal lohna hmunah huntir an nih avangin dar 4-a kawng hawn a nihin an lirthei chu a hnawk avangin an ngenna chu mipuiten hrethiam se, Traffic Police-in lirthei an huntir, dar 4 hnu lama la sawn lo, man an awm a nih pawhin mipuiten ngai thiam se an duh thu an sawi a ni.
