He thil thlenna hmun hi Greater Kailash huamchhungah a ni a, Ningani zanlaiah tleirawl pakhatin traffic signal bawhchhia-in a piaha car chu na takin a su a, kawng daidanna a sut hnuah electric ban a su leh a ni.
Car a sutah hian Constable driver, Vinod Kumar kum 36, Babu Lal Yadav kum 38 leh Narender kum 24 mi te an chuang a, Vinod Kumar leh Babu Lal Yadav te chuan hliam tenau neiin, first aid pek hnuah chhuah leh an ni a, Narender chuan hliam na tak tuarin damdawi ina hruai a nih hnuah a thi a ni.
Deputy Commissioner of Police, Vijay Kumar chuan Mercedes khalhtu hi London-a Commerce zirlai, Delhi-a chawlh hmanga haw lai a ni a ti a, a pa chu Noida-a thir kaihhnawiha sumdawng a ni a ti a, medical test neih hnuah tumah zurui an awm lo tih hriat a ni a ti.
