North Korea hruaitu lu ber, Kim Jong-un-a’n US-in an ram hrekna a hlih \hen hmasak chuan an ram nuclear site pui ber \hiah a rem tih tur thu a sawi.

0
229
views

 

Puan tawh angin North Korea-ah hian South Korea President Moon Jae-in a zin mek a, US leh North Korea ram te’n inbiakna an neih chhunzawm leh hmaa ruahmanna lo siam lawk pui tuma zin a ni a, heng ram pahnihte inbiak hunah hian thawkpalai-ah a \ang dawn bawk a ni. Moon hian Kim hi South Korea tlawh turin a sawm bawk a, Kim Jong-un hian Seoul khawpui a tlawh chuan an ram hruaitu zinga South Korea khawpui tlawh hmasa ber a ni ang.

US Secretary of State Mike Pompeo chuan North Korea nena inbe chunzawm leh turin an inpeih reng tih a sawi ve bawk a, kar leh lama UN General Assembly-ah North Korea Foreign Minister, Ri Yong Ho hmuh a tum thu a sawi bawk a ni.