North Korea ice hockey khel thiamten South Korea thleng

North Korea hmeichhe team, ice hockey khel thiamten Pyeongchang Olympics-a tel turin South Korea an thleng ta a, inkhel thiam 12 leh an hruaitute hian ramri k^nin, South Korea team nen training an \an dawn a ni. Ram pahnih inrem tawh angin, North leh South Korea hi puanzar thuhmun hnuaiah he Olympics-ah hian an tel dawn a, Inrinni khan International Olympic Committee chuan, South Korea team, mi 23 awmnaah North lam mi 12 belh a remti a ni. South Korea lam \antute chuan, North Korea infiam miten an belh chhah dawn avang hian an ram team chu a chhe sawt dawn nia sawiin, President Moon Jae-in-a an dem a, nuclear ralthuam buaipui titawp duh lo, North Korea laka inphah hniam lutukah an puh a ni. North Korea hian he Olympic-ah hian infiam mi 22 a tir dawn ta a, thla leh ni 9 khian \an a ni ang.