North Korea in nuclear ralthuam a tih tawp theihna tura US hmalaknaah hmasawnna a awm hleih theih loh laiin, Korea ram pahnih hruaitulu te chu Pyongyang ah an be dawn.

0
522
views

 

North Korea hruaitu Kim Jong-un chuan Nuclear ralthuam ti bo tura hmalakna thar thawh leh a remtih avangin South Korea hruaitu lu nen hian tun thla ni 18-20 khian an inbe dawn a, hei hi ram pahnih hruaitute inbiak thawh thumna tur a ni. South Korea Nationial Security Advisor Chung Eui-yong chuan hruaitu pahnihte hi North Korea khawpuiah an inbe dawn a, nuclear ralthuam tih bo chunchang chu an sawi dun tur pawimawh ber a ni ang tih chanchinbumite a hrilh a, Chung Eui-yong hian Nilaini khan Pyongyang tlawhin, South Korea president Moon Jae-in a’n inbe tura Kim Jong-un a sawmna lehkha chu a pe a ni.