North Korea-in South Korea aiawhte nena inbiak rawtna pawm

0
353
views

North Korea-in kar leha South Korea aiawhte nena inbiak rawtna chu a pawm ta niin South Korea sorkar aiawhten an sawi a, Thawhlehni, tun thla ni 9 khian ram pahnih aiawhte hi an inbia ang a, hetah hian North Korea infiam mite, thla leha South Korea rama Winter Olympic Games-a an tel ve theih dan turte an sawiho ang. North Korea ram hruaitu, Kim Jong-un-a pawhin he infiamna hunpuia an ram infiam mite an tel ve theih chuan, inpumkhatna leh boruak \ha siamna atana thil remchang tak tur niin a sawi a, ram pahnih aiawhte hi an ramri-a Panmunjom-ah an inbia ang. Hei hi kum 2015 December thla hnu lama Korea ram pahnih aiawhte an inbiak lehna hmasa ber tur a ni a, ram aiawh turte erawh chu hriat a la ni lo. A hma-in South Korea President, Moon Jae-in chuan Winter Olympics lo awm tur hi Korea ram pahnih inkar boruak siam \hatna atana hun remchang tak tur niin a lo sawi tawh a, US Defense Secretary, James Mattis chuan, Korea ram pahnihin inbiak an remtih theih chhan chu, khawvel ram dangte nawrna vang nia sawiin, Kim Jong-un-a hian remna leh muanna a duh tak tak em, tih sawi a la har hle tho niin a sawi.