North Korea nen inbiak remti mahse, US-in hrekna sut tum lo

0
359
views

US President Donald Trump chuan North Korea hruaitu lu ber, Kim Jong-Un nen inhmuh remti mahse, hrekna an lek mek chu sut a nih loh tur thu a sawi a, hemi chungchang hi China President, Xi Jinping nen pawh phone-ah an sawi dun tih White House chuan a sawi. US thupuangtu, Sarah Sanders sawi dan chuan Trump leh Xi-te hian North Korea-in nuclear ralthuam a siam chhunzawm theih lohna tur te, finfiah theih tura hemi kawnga hna a thawh phut chhunzawm zel leh hrekna lek chhunzawm zel an remti a ni. Sanders chuan North Korea hian nuclear ralthuam leh missile enchhin tihtawp a intiam niin a sawi bawk a, hei hi rilru zawng zawnga awih nghal thlap thei an nih bik loh thu te leh, an \awngkam mila North Korea a che chhunzawm lo a nih chuan, inbiakna neih pui an tum pawh an \hulh leh mai tur thu a sawi bawk a ni. Puan tawh angin South Korea sorkar mi pawimawh te’n North Korea an tlawh \umin, hmaichhanah Kim Jong-Un an kawm a, US hnena hrilh tur thu a chah nia an sawi avangin, Donald Trump an hmu ve leh a, White House tuala South Korea National Security Director, Chung Eui-Young-a’n chanchinbumite a kawmna-ah North Korea-in US nen inbiak a remtih thu hi a puang ta a ni.