North Korea President, Kim Jong-un-a chu ni 20 hnuah mipui hmaah a inlan tih North Korea state media-in a sawi.

0
382
views

KCNA tarlan danin Kim Jong-un hian fertilizer factory hawngin ribbon a chepchat a, vantlang hmaa hunrei tak chhung a inlan tawh loh avangin factory-a mipuite chu lawmin an au a ni.

April ni 12 a\ang khan Kim Jong un hi a hriselna dinhmun a \ha lo tih thuthar thehdarhtuten an sawi avangin khawvel pumah a chanchinin ngaihven a hlawh hle a, KCNA chuan rin loh deuhin factory hawnnaa ribbon a chepchat lai thlalak a rawn tarlang a ni.

Hetihlai hian US President, Donald Trump chuan Kim Jong-un-a chungchang chu engmah a sawi rih dawn lo tihu a sawi a ni.

KCNA chuan Kim Jong-un hi North Korea-a mi pawimawh tak tak leh a unaunu Kim Yo Jong-i ten an \awiawm tih a tarlang a ni.

Kim Jong-un chuan factory a hawn taka an hnathawh dan turah a lungawi thu a sawi a, an rama chemical industry leh ei leh bar siamchhuahna, food production te hnathawh dan pawh a fak bawk a ni.

Kim Jong-un hi a pu, Kim II Sung-a pianchampha lawmna, April ni 15 khan a inlan loh avangin a hriselna chungchangah ngaihruatna chi hrang hrang a awm a, Daily NK chuan nikum August thla a\ang khan a lung lamah harsatna a tawk niin a tarlang a ni. Kim Jong-un hi kum 2014 September thla a\ang khan ni 40 chhung chin hriat lohin a bibo a, October thla laihawlah tiang hawl chungin vantlang hmaah a inlan leh a, an rama thuthar thehdarhtute chuan khawi lamah nge a \uan tih an hre thei lo va, South Korea intelligence agency chuan a ke rek veilam an zai niin a tarlang a ni.