North Korea state media-in an President, Kim Jong-un a chungchang thuchhuah a nei rih lo.

0
523
views

South Korea leh China chuan Kim Jong-un-a damlo na hle anga media-a thuchhuah awm chu an ngaih\hat loh thu an sawi a, hetihlai hian White House chuan thil awmdan ngun taka a ngaihven reng thu a sawi bawk.

US President Donald Trump chuan Kim Jong-un chu a \hat a beisei thu a sawi a, media report chu a dik leh dik loh hriatfiah theih a ni si lo va, engtin nge a awm tih chu hun kal zel turin a hril ang a, hriselna \ha tak nei se a duhsak tih a sawi.

South Korea presidential office chuan Kim Jong-un-a damloh thuah hriattirna a dawn loh thu a sawi a, mi tam takin North Korea-ah buaina a awm em tih chu an ngaihven hle tih a sawi.

Kum 36 mi, Kim Jong-un hi tun thla ni 12 khan a lung zai vangin damdawi inah a awm a, nikum August thla a\ang khan mei a zuk nasat vangte, a thau lutuk vang leh hna a thawh rim lutuk vangin a hriselna dinhmun a \ha lo \an tih Seoul Daily NK-in a tarlang a, hetihlai hian North Korea chuan an President chu Myohang tlanga a in pakhatah enkawl mek a ni thu a tarlang bawk a ni.