NOTA chungchangah ECI-in na takin Congress chhang

0
493
views

Congress party-in Gujarat-a Rajya Sabha member thlanna neih zawh taka NOTA hman chungchang thubuai a thehluh chu court kalphung hman sual tumna niin Election Commission of India-in a sawi a, mi tinin vote thlak lo tura dikna an neih thu leh, dan pawhin a remtih thute leh he dan tlawhchhana NOTA hi hmang a ni tih Court sang ber chu a hrilh a, kum 2013-a Supreme Court-in inthlanna hrang hranga NOTA hi hman tura a lo tih tawh avangin, kum 2014 a\ang khan Rajya Sabha member thlanah pawh NOTA hi hman \an a nih thu sawiin, Rajya Sabha inthlanah hian vawi 25 hman a ni tawh tih a sawi bawk. Puan tawh angin Gujarat-a Rajya Sabha member thlan a nih dawn khan NOTA hi party hrang hrangten hman an duh loh thu an lo sawi tawh a, Congress leh BJP pawhin NOTA hi MP inthlan kalphung kalh niin a lo sawi tawh a ni. He thil chungchangah hian Congress party chuan Supreme Court-ah an lungawi lohna hi an thlen a, Court sang ber hian MLA-te dikna leh chanvo rah beh a tum loh thu lo hrilhin, Election Commission hi insawifiah turin a ti a ni.