Nuclear ralthuam tih tawp chungchanga inbiak \um thumna an neih tur chungchang thlir lawkin South Korea leh North Korea ram palaite an inbia.

South Korea ram palaite hian inbiakna kallai hi tluang taka chhunzawm theih an inbeisei a, Korea ram pahnihte inbiakna a kal chhoh mek lai, kumin June thla khan US President Donald Trump leh North Korea hotu Kim Jong-un ten nuclear ralthuam ti tawp tura inremna an siam tak avangin South Korea leh North Korea te inbiakna lo neih tawh chu chawlhsan lailawk a ni. South Korea President Moon Jae-in a mi tirh an ram palaite hi national security hotu Chung Eui-yong a’n a ho a, National Intelligence Service spy agency director Suh Hoon pawh palaite zingah hian a tel a ni. Pyongyang an thlenin North Korea ramri enkawltu Ri Son Gwon a’n a lo dawngsawng a, ani hian ram pahnihte inbiakna hi a kaihruai a, minute 20 chhung ram pahnih aiawhte hi an inkawm a ni.