Nula leh tlangval kara inhmangaihna thuk theih zia leh hmangaihna in engkim a hneh \hin tih chiang taka lantirin Zobiakremi Pautu chuan dam chhunga a kawppui turin pian tirh a\anga ke-a kal thei lo Emmanuel V Lalhruaizela chu Kohhran dan thianghlimin a nei a, an inneihna hian mi te ngaihhlut leh ropui tih a hlawh hle.

0
1129
views

Lunglei District Saizawh West khuaa cheng kum 27 mi Emmanuel V. Lalhruaizela, V.L.Piangenga fapa leh Zobiakremi Pautu, Hrangsavunga fanu Khawzawl khua te hi BCM Biak In, Saizawh West-ah Kohhran Dan Thianghlimin nimin khan an innei a. Moneitu Emmanuel V Lalhruaizela Hruaitea tia koh hi unau 4 zinga a naupang ber a ni a, an unau mipa 3 te hi pian tirh a\anga ke a kal thei lo vek an ni. Hruaitea hi thu leh hla lama tui tak a ni a, kum 2017 December thla khan lehkhabu pakhat ‘Hringnun Hling Bawm’ tih a lo tichhuak tawh a, he lehkhabu hi nikum December khan 2nd Edition a ti chhuak leh bawk

Hruaitea nupui Zobiakremi, Tebawihi tia koh nen hian kum 2014 October thla a\angin an inhre \an a, Tebawihi hian a pasal ni ta, Hruaitea nen hian an inhriat tirh a\angin an inmil em em tih sawiin, an ngaihtuahna te a thuhmun tih a sawi a, an inhriat tirh chuan a dinhmun avangin a khawngaih em em tih sawiin hun lo kal zelah hmangaihnaah a lo chang ta a ni a ti.