October thlaa Lion Air khualzinphur thlawhna tla-a black box chu hmuh a ni tawh tih Indonesia thuneituten an sawi.

0
631
views

He thlawhna, Jakarta bula tlaah hian a chhunga chuang mi 189 te chu an thi vek a, a thlawh chhuah hnu lawkah pilot chuan \umhmun lama let leh a \ul thu air traffic control te a hrilh a, hun rei lo te chhungin biak pawh theih lovin a awm zui nghal a ni. Thlawhna hi tuipuiah a tla a, thlawhna tlak chhan chhuitute chuan a khawl lamah fel lo a awm avanga tla niin an sawi. Thlawhna keh them \henkhat hmuh ni mahse, a hlawm lian erawh hmuh chhuah a ni ta lo hrim hrim a ni.

Indonesia transport safety committee dy chief Haryo Satmiko chuan thlawhna khalhtute awmna cockpit-a an thusawi record na, CVR chu hmuh a ni tawh thih a sawi a, Indonesia navy thupuangtu Agung Nugroho chuan recorder hi tuipui mawng feet 26-a thuk, chirh dumah chhar a ni a ti a, recorder hi a rang nual a, a thil record te a chhia em tih erawh finfiah a la ni lo thung. He thlawhna, Flight JT610 hi Jakarta a\anga a thlawh chhuah hnu minute khat lekah tuipuiah a tla a ni.