Odisha-a lungalhthei khur chimah mi 4 an thi a, mi 9 an hliam. He lungalhthei khur Coal India Ltd. ta hi ni khata tonne 20,000 laih chhuah theihna, khawvela lungalhthei lai chhuaktu lian ber a ni a, chetsualna a thlen hnu hian khur hi khar nghal a ni.

Mahanadi Coalfields Ltd.-a Dikken Mehra chuan bomb hmanga lungalhthei an laih chhuah \hinna nghawrin lei nem lai a tichim niin a sawi a, hna thawh \an leh nan kar hnih khat nghah a ngai dawn tih a sawi bawk.

India rama lungalhthei laichhuahna khur tam tak chu dan lova din a ni a, heng dan lova din te hian venhimna lam an nei \ha lo \hin hle a, nikum December thlaa Meghalaya khur chim pawh kha a chim chhan an chhui naah dan kalha him lo taka lungalhthei zawnna khurah tui a luh vanga thleng a ni.