Mipuiten man tlawm zawka veivahna atana an hman tur OLA CAB chu Finance Minister Pu Lalsawta’n vawiin khan Govt. Mizo High School Field-ah a vailiam. Hemi puala inkhawm tawi neihah Pu Lalsawta chuan, khawpui chhung leh Lengpuia hman theih tura Ola Cab a awm ta chu mipuite tan thil tangkai tak a nih a beisei thu a sawi a, Ola Cab chu Aizawl smart city siam na tura hmalakna kawng pakhat a nih thu a sawi. Pu Lalsawta chuan Ola Cab khalhtute chu an mi phurh te chunga hawihhawmna, dawhtheihna leh rinawmna lantir tura chahin an thlen duhnaa him taka dah chu an mawhphurhna niin a sawi.
Aizawlah Ola Cab Service tir a nih theih nan nikum November atang khan hmalak a ni a, Motor dang hmang lovin Aizawl Taxi awmsa te chu an hnuaiah a duh apiang an inziak lut a, tun dinhmunah Taxi 200 vel an inziak lut tawh a, heng Taxi te hi man tlawm zawkin mipuiten an hmang thei dawn a ni.
