Olympic-ah North Korea infiammi tel ve dawn ta

0
675
views

Thla leha South Korea rama neih tur, 2018 Winter Olympic Games-a tel turin North Korea-in infiam mi a tir ve dawn ta a, hei hi South Korea sorkar hotuten an puang chiang ta a ni. Hemi hma hian ram pahnih aiawhte hi an inbia a, kum hnih chhunga an inbiak leh vawi khatna a ni. North Korea aiawh turte zingah hian infiam mite, anmahni hruaitute leh infiam mi au phurtu turte an tel a ni. Ram pahnih aiawhte chuan an sipaite inbiak pawhna, military hotline, kum hnih deuhthaw an lo tihtawp tawh pawh nakt<kah hawn leh an remti a, South Korea Vice Unification Minister, Chun Hae-sung chuan, North Korea lam hian mi pawimawh tak takte pawh an ram aiawh turte zingah hian an telh dawn niin a sawi a, National Olympic Committee puipa te, infiam mite, lam thiam te, anmahni puitu tur te, thil awm dan thlirtu mi pawimawhte, taekwondo team leh chanchinbu mite pawh an tel dawn niin a sawi. South Korea aiawhte chuan, kum 2006 Winter Olympics-a an lo tih tawh angin, Pyeongchang-a he Olympic Games hawnna inkhawmah hian Korea ram pahnih aiawhte hi a huhovin intlar se an ti a, he intihsiak hun chhunga lo thleng tur, Lunar New Year holiday-ah ram pahnih indona-in a \hen hran, North leh South lama awm hrang ta, chhungkuate inhmuh lehna remchang siam ni bawk se, sipai leh ralthuam lam thil te, North Korea nuclear programme chungchangah te pawh ram pahnih aiawhte inbia se tih te an rawt a, South Korea hian United Nations nena inberawnin, 2018 Winter Olympic Games-a North Korea-a tel ve theih dan tur hi a buaipui dawn a ni.