Olympics buaipuitu comittee-in North Korea mikhual an inpeih

Kumina Olympics buaipuitu committee chuan North Korea-in tel ve a duh chuan lawm taka an pawm tur thu leh, a thlengtu ram, South Korea pawh a inpeih reng thu an sawi. He committee hruaitu, Lee Hee-Beom chuan, North Korea hi Olympics-a tel ve tur hian vawi eng emaw zat an lo sawm tawh thu a sawi a, North Korea infiam mite leh kaihruaitute phur turin, lawng pawh a hran liau liau-in South Korea-in a ruahman tur thu a sawi. Puan tawh angin North Korea ram hruaitu, Kim Jong-Un chuan Olympics hi tluang taka hman theih a duhsak thu leh infiam mi tirh ve pawh a hnial loh thu a lo sawi tawh a, hei vang hian South Korea leh Olympics thuneiute pawh an phur hle a ni.