Online-a Property Return thehluh dan zirho

0
1702
views

Vigilance Department-in vawiin khan sorkar Department hotute tan Online-a Property Return thehluh dan zirhona a buatsaih a. A hmanpuitu, Chief Secretary, Pu Lalmalsawma chuan, Property Return leh PAR, a hun taka thehluh kawngah sorkar hnathawkte an inthlahdah deuh \hin nia a hriat thu a sawi a, heng hi an Service leh kaisanna atana thil pawimawh a nih avangin tun aia ngai pawimawh turin a chah a ni. Sorkar hnathawkten Online hmanga Property Return an thehluh theih nan hian Vigilance Department chuan a buaipuitu tur, Officer leh Dealing Assistant chu Computer thar a pe vek tawh a, Internet pawh thlun zawm tawh a ni a, Mizoram sorkar hnuaia Group A leh B (Gazetted)ten www.propertyreturns.mizoram.gov.in-ah Property Return hi thehlut theih reng a ni tawh dawn a. Hei bakah hian Mobile Application pawh siam a ni tawh bawk.