He intawhkhawmnaah hian Orchid Society of Mizoram chuan an pawl hmalakna leh hmachhawp hrang hrang an thlir ho a, eizawnna atana nauban khawi leh a kaihhnawih thil dangte an entir a. Mithiam sawmbikten thil pawimawh hrang hrang an zirtir a ni. Orchid Society of Mizoram hian Mizorama nauban chereu zel tur ven a humhalh te, eizawnna atana nauban hman dan zau thei ang bera midang zirtir te chu an thil tum a ni a, Mizoram nauban zingah senhri, lawhlei leh zawngatuikhur te chu ral mai thei dinhmuna ding a nih avangin an theih dan kawng kawngin an humhalh a ni. Nauban entirnaah hian Sikkim a\angin nauban chingtu engemawzat an tel a ni.
